2020-09-02 18:36:42, 4572 ნახვა
მსოფლიო
ნავალნის კომაში ყოფნის მიზეზი დადგინდა - გერმანიის მთავრობამ საგანგებო სხდომა გამართა
დღეს გერმანიამ ტოქსიკოლოგიური ტესტირების პასუხების საფუძველზე განაცხადა, რომ ნავალნი ნერვული აგენტით „ნოვიჩოკით“ არის მოწამლული.
BBC-ის ცნობით, ანგელა მერკელი უკვე შეხვდა მინისტრთა კაბინეტს და გერმანული მხარე რამდენიმე დღეში შეიმუშავებს კრემლის წინააღმდეგ გადასადგმელ ნაბიჯებს.
საინფორმაციოს ცნობით, ასევე, გერმანიის მთავრობა ნავალნის მოწამლის შესახებ სრულ ანგარიშს ნატოსა და ევროკავშირსაც წარუდგენს, მანამდე კი გერმანული მხარე რუსეთისგან ახსნა-განმარტებას ელოდება.
რუსული საინფორმაციო სააგენტო Tass news-ის ინფორმაციით, კრემლი უარყოფს მომხდარ ფაქტს და აცხადებს, რომ გერმანიისგან მათ ოფიციალური დასკვნა ამ დრომდე არ მიუღიათ.
ავტორი: ექსპრესნიუსი,
epn.ge (@expressnews.ge)
