პროკურორის განცხადებით, გიორგი შაქარაშვილის ჩანთაზე დანიშნული ექსპერტიზის დასკვნა ჯერ არ მიუღიათ

2020-09-01 12:22:41, 2985 ნახვა

სამართალი

შაქარაშვილის საქმის პროკურორის, ნანა გუგუტიშვილის განცხადებით, გარდაცვლილი ფეხბურთელის ჩანთაზე დანიშნული ექსპერტიზის დასკვნა ჯერ არ მიუღიათ.

მისი თქმით, დღევანდელ პროცესზე დაიკითხება 12 მოწმე.

„დღევანდელ პროცესზე ბრალდების მხარეს წარმოდგენილი ჰყავს 12 მოწმე. ჩვენ რა თქმა უნდა, გავაგრძელებთ იმ მოწმის დაკითხვით, რომელი მოწმის დაკითხვაზეც შეიქმნა პრობლემა. წარმოდგენილი მოწმეები არიან როგორც გამომძიებლები და ექსპერტები, რომლებიც სხვადასხვა საგამოძიებო მოქმედებებში მონაწილეობდნენ, ასევე წარმოდგენილი არიან სხვა მოწმეები, რომლებიც უშუალოდ დანაშაულებრივი ქმედების ჩადენის შემდეგ გადაადგილებაში დაეხმარნენ არასწრულწლოვან ნ.შ.-ს და ნ.ხ.-ს.

ჩანთაზე დანიშნული ექსპერტიზის დასკვნა არ მიგვიღია”, - განაცხადა გუგუტიშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან