მიხეილ სააკაშვილზე თავდასხმა „ევროპული საქართველოს“ მაჟორიტარ კანდიდატებს ძალიან ძვირი დაუჯდებათ, - ასე გამოეხმაურა ენმ-ს წევრი სალომე სამადაშვილი დავით ბაქრაძის სიტყვებს, სადაც მან აღნიშნა, რომ სააკაშვილი, მერაბიშვილი და ადეიშვილი არ იქნებიან მინისტრთა კაბინეტში.

სალომე სამადაშვილის თქმით, აღნიშნული განცხადება დამაზიანებელია, როგორც საერთო ოპოზიციური მიზნებისთვის, ასევე პირადად დავით ბაქრაძისთვის.

„მსგავსი განცხადებები ნამდვილად არ ეხმარება ერთიანობას, იმიტომ რომ, მაგალითად ჩემთვის გაუგებარია, რატომ არ იფიქრა ბატონმა ბაქრაძემ, რომ მისი მხრიდან თავდასხმა ძალიან ძვირი დაუჯდებათ მაჟორიტარ კანდიდატებს „ევროპული საქართველოდან“, სადაც მათ სჭირდებათ, მაგალითად თბილისსში, „ერთიანი ნაციონალური მოძრაობის“ ამომრჩევლის მხარდაჭერა.

ასევე, ვფიქრობ, რომ ცოტათი გაუგებარი იქნება ამომრჩევლისთვის მსგავსი განცხადებები ადამიანისგან, რომელსაც საკონსტიტუციო უფლებამოსილებაც და ვალდებულებაც ჰქონდა აღმასრულებელი ხელისუფლების კონტროლის, როდესაც ის პარლამენტის თავმჯდომარე იყო და გაუგებარია, რატომ უნდა ენდოს დავით ბაქრაძეს ამომრჩეველი დღეს, თუ ის თავის დროზე ვერ ასრულებდა ფუნქციებს, რაც ეკისრებოდა.

ეს განცხადება არის დამაზიანებელი, როგორც საერთო ოპოზიციური მიზნებისთვის, ასევე დამაზიანებელია პირადად დავით ბაქრაძისთვის, - განაცხადა სალომე სამადაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს