გიორგი შაქარაშვილის საქმეზე ბრალდებული არასრულწლოვნის, ლ.შ.-ს ადვოკატის, ზაქარია გვიშიანის განცხადებით, დღევანდელ სასამართლო პროცესზე შესაძლოა,  ალტერნატივის სახით გირაოს გამოყენების საკითხი დააყენონ.

მისივე თქმით, დღევანდელ სასამართლო სხდომაზე განიხილება ისეთი საკითხები როგორიც არის მტკიცებულების დაუშვებლობა, შერჩეული აღკვეთის ღონისძიების შეცვლა და დევნის შეწყვეტა.

„ბუნებრივია, სამივეზე დაცვის მხარეს გვაქვს შუამდგომლობები. ჩემი დაცვის ქვეშ მყოფს, ლ.შ-ს ბრალად ედება სისხლის სამართლის კოდექსის 125-ე მუხლის პირველი და მეორე ნაწილებით გათვალისწინებული ქმედება, რასაც არ აღიარებს დევნის დაწყების დღიდან. ალტერნატივის სახით შესაძლოა დავაყენოთ გირაო. ოდენობაზე შევთანხმდები ჩემი დაცვის ქვეშ მყოფთან და მის ოჯახთან. ალბათ 3000 ლარი ან შესაძლოა, კიდევ უფრო ნაკლებიც იყოს“, - განაცხადა ზაქარია გვიშიანმა.

ცნობისთვის, 19 წლის ფეხბურთელის გიორგი შაქარაშვილის გარდაცვალების საქმეზე დაკავებული 6 არასრულწლოვნის წინასასამართლო სხდომა მცხეთის რაიონულ სასამართლოში მიმდინარეობს.

ავტორი: ექსპრესნიუსი,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს