თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, საქართველოში გამოვლენილი კორონავირუსის 5 ახალი შემთხვევიდან 3 იმპორტირებულია, ხოლო ორის ინფიცირების წყარო უცნობია.

მისივე თქმით, იმპორტირებული შემთხვევებიდან 2 სატვირთო ავტომანქანის მძღოლია.

„დღევანდელი მონაცემებით, კოვიდ ცენტრებში მკურნალობს 246 დადასტურებული პაციენტი. ამ 5 ახალი პაციენტიდან 3 გახლავთ შემოტანილი შემთხვევა, აქედან 2 არის სატვირთო ავტომანქანის მძღოლი, ხოლო ორ დადასტურებულ შემთხვევაზე გრძელდება ეპიდემიოლოგიური კვლევა კონტაქტების მოძიების და წყაროს დადგენის თვალსაზრისით.

ჩვენს ცენტრში გვყავდა გუშინ 41 დადასტურებული შემთხვევა და დაგვემატა 1 ახალი დადასტურებული შემთხვევა. ეს გახლავთ შემოტანილი შემთხვევა და არის სატვირთო ავტომანქანის მძღოლი. გამოჯანმრთელებული არ გვყოლია. ამ ეტაპზე გვყავს 42 დადასტურებული შემთხვევა. აქედან ძირითადი ნაწილი საშუალო სიმძიმისაა და საშუალოზე მსუბუქი. მძიმე ავადმყოფები დღესდღეობით არ გვყავს.“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს