შრომის ინსპექტირების დეპარტამენტის ხელმძღვანელის, ბექა ფერაძის განცხადებით, თბილისის ბაზრობებზე, კორონავირუსის გავრცელების პრევენციისთვის დადგენილი უსაფრთხოების წესების დარღვევისთვის ლილოს, ელიავას, დეზერტირების, ნავთლუღის, დიდუბის, გლდანის, ვარკეთილისა და დიღმის ბაზრობები დაჯარიმდნენ.

მისივე თქმით, დღეიდან ინსპექტირება ქვეყნის მასშტაბით დაიწყება.

„შრომის ინსპექტირების დეპარტამენტთან ერთად მონიტორინგს ახორციელებს სურსათის ეროვნული სააგენტო, შემოსავლების სამსახური, თბილისის მერიის საზედამხედველო სამსახური.

პირველ ეტაპზე მუშაობა მიმდინარეობდა ცნობიერების ამაღლებაზე, 20 ათასზე მეტი ადამიანის მიმართ განხორციელდა სკრინინგი. მიუხედავად მათთან მუშაობისა, გარკვეულ ბიზნესობიექტებთან ფიქსირდებოდა ხარვეზები და იძულებულნი გავხდით, გამოგვეყენებინა სანქცირების მექანიზმი. ლილოს ტერიტორიაზე დაჯარიმდა 12 ბიზნესობიექტი, დეზერტირების ტერიტორიაზე -1 , ნავთლუღში 2, დიდუბეში - 3, ვარკეთილში -1“, - განაცხადა ბექა ფერაძემ.

შეგახსენებთ, რომ მთავრობის გადაწყვეტილებით, ბაზრებსა და ბაზრობებზე დასაქმებულ პირებს კორონავირუსის გამო სკრინინგი უტარდებათ.

ავტორი: ექსპრესნიუსი,

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური