ვაშაძე კონგრესის აქტზე - დამსხვრეული ოცნებების პარტიამ ბოლომდე გაწირა საქართველოს სახელმწიფო ინტერესები

2020-07-25 17:17:41, 3810 ნახვა

კომენტარი

„ახალი საქართველოს“ წევრმა გიორგი ვაშაძემ განაცხადა, რომ კონგრესის მიერ საქართველოსთვის დახმარების 15%-ით შესაძლო შემცირების შესახებ კანონპროექტის მხარდაჭერა ნიშნავს, რომ დამსხვრეული ოცნებების პარტიამ ბოლომდე გაწირა საქართველოს სახელმწიფო ინტერესები.

ვაშაძე აღნიშნავს, რომ მსგავსი აქტის მხარდაჭერა ნიშნავს იმას, რომ ქვეყანაში სულ უფრო ნაკლები ინვესტიცია შემოვა.

„ასეთი ტიპის გადაწყვეტილებები პირდაპირ იმოქმედებს ჩვენი ქვეყნის განვითარებაზე. ეს ნიშნავს, რომ საქართველოში შემოვა ნაკლები ინვესტიცია, ნაკლები სამუშაო ადგილი შეიქმნება. ეს ნიშნავს, რომ დამსხვრეული ოცნებების პარტია ბოლომდე გაწირა საქართველოს სახელმწიფო ინტერესები“, - განაცხადა ვაშაძემ.

შეგახსენებთ, რომ აშშ-ს წარმომადგენელთა პალატამ საქართველოსთვის დახმარების 15%-ის შეჩერების აქტს მხარი დაუჭირა. აქტს მხარი დაუჭირა 224 კანონმდებელმა, ხოლო 189 წინააღმდეგი იყო.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან