2020-07-24 12:17:23, 3871 ნახვა
კომენტარი
გიორგი გახარია გომელაურის გადადგომის მოთხოვნას არასერიოზულს უწოდებს
პრემიერ-მინისტრი გიორგი გახარია შს მინისტრის ვახტანგ გომელაურის გადადგომის მოთხოვნას არასერიოზულს უწოდებს.
მანვე აღნიშნა, რომ ორივე საქმე, გიორგი შაქარაშვილისა და თამარ ბაჩიაშვილის გარდაცვალების საქმეები, ბოლომდე იქნება გამოძიებული.
„შს მინისტრის ამოცანაა გამოძიების ბოლომდე მიყვანა და დასრულება. არანაირი კითხვის ნიშნები ამასთან დაკავშირებით არ არსებობს. დარწმუნებული ვარ ერთი საქმეც და მეორეც სრულად იქნება გამოძიებული და ბოლომდე იქნება მიყვანილი. ახლა ვიღაც პოლიტიკური მოღვაწეების მოთხოვნის გამო ესეთი რამე სერიოზულია? რა არის სერიოზული“, - განაცხადა გახარიამ.
შეგახსენებთ, რომ შს მინისტრის გადადგომას ლევან გოგიჩაიშვილი, გედევან ფოფხაძე და ბექა ნაცვლიშვილი მოითხოვენ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
