2020-07-23 17:54:15, 4856 ნახვა
რეგიონი
კონფლიქტისპირა სოფლებში ასფალტის დაგების სამუშაოები მიმდინარეობს
კასპის მუნიციპალიტეტში, მიმდინარეობს სოფლების ყარაფილა - სარიბარი - ზადიანთკარის, თბილისი - სენაკი - ლესელიძეს ჩქაროსნულ მაგისტრალთან შემაერთებელი გზის ასფალტის მეორე პირის დაგების სამუშაოები.
აღნიშნული გზის სრული რეაბილიტაცია 2 ეტაპად განხორციელდება. პირველი ეტაპი 2020 წელს, ხოლო მეორე ეტაპი 2021 წელს დასრულდება. პროექტით გათვალისწინებულია ასფალტის საფარის დაგება 4 200 გრძივ მეტრზე, რ/კ ბეტონის კიუვეტების, ლითონის ცხაურების, ეზოში შეასვლელების და საგზაო ნიშნების მოწყობა.
გზის სრულ რეაბილიტაციაზე 2 550 000 ლარი დაიხარჯება და მას რეგიონალური განვითარების ფონდი და მუნიციპალიტეტის ადგილობრივი ბიუჯეტი აფინანსებს. გზის სამუშაოებს კი ელექტრონულ ტენდერში გამარჯვებული შპს „იბოლია“ ახორციელებს.
ავტორი: NS (სტატია დაფინანსებულია),
epn.ge (@expressnews.ge)
