პარტია „ახალი საქართველოს“ ლიდერის, გიორგი ვაშაძის განცხადებით, ოპოზიციის მთავარი ამოცანა თანამშრომლობა და კოორდინაციაა.

მისი თქმით, მაქსიმალურად ათავისუფლებს ველს და მაჟორიტარულ ოლქებზე დიდ პრეტენზიას არ გამოხატავს.

„პირადად მე გეუბნებით, რომ ჩვენი გუნდის მხრიდან ველს მაქსიმალურად ვათავისუფლებთ იმისთვის, რომ სხვები შეთანხმდნენ. არ გამოვხატავთ დიდ პრეტენზიებს მაჟორიტარულ ოლქებზე ერთადერთი მიზნის გამო - განა მაგარი და ღირსეული ადამიანები არ გვყავს, არამედ იმიტომ, რომ მაქსიმალურად ხელი შევუწყოთ შეთანხმებას.

ის ექვსი მაჟორიტარული ოლქი, რომელზეც ჩვენ შევთანხმდით თბილისში, ოპოზიციურ პარტიებს შორის საერთო მისწრაფებებს აჩვენებს. ამას ძალიან დიდი მნიშვნელობა აქვს.

ჩვენი მთავარი მიზანია, საერთო ოპოზიციური ფორმატი არჩევნების გაყალბების წინააღმდეგ ბრძოლისთვის, იმ სამომავლო კოალიციის ჩანასახების დანახვისთვის, რომელიც ასე უნდა ხალხს. ხალხი 60 პროცენტიმხარს უჭერს კოალიციურ მმართველობა. მზად ვარ ყველა ოპოზიციურ მაჟორიტარს დავუჭირო მხარი, რა თქმა უნდა, ესაა ჩემი მარტივი პოზიცია. მითუმეტეს, თუ ეს შეთანხმებული კანდიდატები იქნება, უფრო მარტივი იქნება მხარდასაჭერად“, - განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა