დაავადებათა კონტროლის ეროვნული ცენტრის ხელმძღვანელი ამირან გამყრელიძე არ გამორიცხავს, რომ გაჩიანის დასახლებაში მდებარე სამი სოფელი, რომლებიც კორონავირუსის გავრცელების მხრივ ცხელ წერტილებს წარმოადგენს, შესაძლოა ჩაიკეტოს.

გამყრელიძე მოუწოდებს გაჩიანის მოსახლეობას, რომ გამოიჩინონ მეტი დამყოლობა და დაეხმარონ ეპიდემიოლოგებს ფართომასშტაბიანი კვლევების წარმოებაში.

„მოვუწოდებ გაჩიანის მოსახლეობას, გთხოვთ,დაგვყვეთ და მოგვცეთ საშუალება, რომ გამოვიკვლიოთ გაჩიანის თითოეული მოსახლე სამივე სოფლიდან, რათა ადრეულდ გამოვავლინოთ ინფიცირებულები, მოვახდინოთ მათი კონტაქტების იზოლირება კარანტინში და ინფიცირებულების მკურნალობა. ამით ჩვენ ადრეულ ეტაპზე ჩავაქრობთ ამ ცხელ წერტილს.

არ გამოვრიცხავ რადიკალური ღონისძიების გატარებას, რომ რომ ჩაიკეტოს ეს სოფლები. თუ დამყოლობა არ იქნა ამ სოფლების მოსახლეობის მხრიდან, თუ არ მოგვეცა საშუალება, რომ ვაწარმოოთ ფართომასშტაბიანი კვლევები ამ დასახლებაში, მაშინ ერთადერთი ნაბიჯი, რა თქმა უნდა, არის ამ სამი სოფლის იზოლირება, ჩაკეტვა. ამაზე იმსჯელებს საკოორდინაციო საბჭო  და მიიღებს შესაბამის გადაწყვეტილებას. ვთხოვ მოსახლეობას, რომ იყოს მეტი დამყოლობა“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი