გარემოს დაცვისა და სოფლის მეურნეობის მინისტრმა, ლევან დავითაშვილმა, საკოორდინაციო საბჭოს სხდომის დასრულების შემდეგ, საქართველოში უდაბნოს კალიის მიგრაციასთან დაკავშირებით კომენტარი გააკეთა.

„ბევრი არაკომპეტენტური და არასწორი ინფორმაცია ვრცელდებოდა საქართველოში უდაბნოს კალიის შემოსვლასა და გავრცელებასთან დაკავშირებით. აღნიშნული მავნებელი საქართველოს ტერიტორიაზე არასდროს დაფიქსირებულა. არსებობს გაეროს სურსათისა და სოფლის მეურნეობის ორგანიზაციის (FAO) კვლევები. FAO-ს 2020 წლის პროგნოზით, მავნებლის გეოგრაფიული არეალის გაზრდა საფუძველს მოკლებულია. არც ერთი სპეციალისტი არ იზიარებდა მოსაზრებას გავრცელების შესაძლებლობაზე. აღნიშნულის შესახებ ჩვენ მოსახლეობას ინფორმაცია მივაწოდეთ. თუმცა, აღმოსავლეთ საქართველოში - კახეთისა და ქვემო ქართლის რეგიონებში ფიქსირდება სასოფლო-სამეურნეო კულტურების მავნებელი იტალიური კალია. აღნიშნულ მავნებელთან ბრძოლა ინტენსიურად მიმდინარეობს. ჩვენ გვაქვს სპეციალური პროგრამა, რომელსაც ყოველწლიურად  ვახორციელებთ. ეს მავნებელი, დიდწილად, აზიანებს ჩვენს სასაზღვრო რაიონებს, მათი მიგრაცია ხდება ჩვენი მეზობელი ქვეყნებიდან.

წელს, კლიმატური პირობებიდან გამომდინარე, კალიებთან ბრძოლა გვიწევს როგორც მთლიანად კახეთში, ისე ქვემო ქართლში, თბილისის შემოგარენში, მცხეთა-მთიანეთსა და შიდა ქართლში. სასოფლო-სამეურნეო კულტურების მავნებელთან ბრძოლა მნიშვნელოვანია მოსავლის გადარჩენის, მწვანე საფარის შენარჩუნების და ეკონომიკური ზარალის თავიდან ასაცილებლად“, - განაცხადა ლევან დავითაშვილმა.

ავტორი: NS (სტატია დაფინანსებულია),

სოციალური ქსელები

„საწვავის კრიზისი სოციალურ კრიზისში გადაიზრდება“ - ВЦИОМ პუტინის მოწონების რეიტინგის ყველაზე მკვეთრი ვარდნა დააფიქსირა ბოლო რვა წლის განმავლობაში

GITA-ს ორგანიზებით და ბაზისბანკის მხარდაჭერით ზუგდიდის ტექნოპარკში აგრო-ჰაკათონი AgriHack 2026 გაიმართა

თურქეთი ერთიან ევროგადახდების სივრცეში გაწევრიანებას გეგმავს

1000 დღე ომის დაწყებიდან - თელ-ავივში მრავალათასიანი აქცია გაიმართა