ეგვიპტეში, კორონავირუსის გამო სამ თვიანი დახურვის შემდეგ, გიზის ცნობილი პირამიდები ვიზიტორებისთვის გაიხსნა.

ამის შესახებ „დოიჩე ველე“ წერს.

მათივე ინფორმაციით, პირამიდებში შესვლამდე ვიზიტორებს უსაფრთხოების გარკვეული ზომების დაცვა უწევთ. ვიზიტორებისა და მათი ჩანთების ჩათვლით, ყველაფერს დეზინფექცია უტარდება.

აღსანიშნავია ისიც, რომ ასევე გაიხსნა კაიროში მდებარე ეგვიპტის მუზეუმიც.

ეგვიპტე იმედოვნებს, რომ ტურისტული ადგილების გახსნა ხელს შეუწყობს პანდემიის შედეგად დაზარალებული ტურიზმის სექტორის გაძლიერებას.

ეგვიპტის მთავრობამ, 2 დღის წინ, მოგზაურობაზე დაწესებული შეზღუდვა შეამსუბუქა და საერთაშორისო ფრენების საჰაერო მიმოსვლა გახსნა.

ცნობისთვის, ეგვიპტეში კორონავირუსის პირველი შემთხვევა 14 თებერვალს დაფიქსირდა. აღნიშნულის შედეგად დაიხურა ქვეყნის მუზეუმები, არქეოლოგიური ადგილები, მაღაზიები, კაფეები და რესტორნები.

ბოლო მონაცემებით, ეგვიპტეში კორონავირუსის 69,814 შემთხვევაა დაფიქსირებული, საიდანაც 3,034 ადამიანი გარდაიცვალა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პროკურატურა – 2015 წელს მომხდარი გიორგი კვარაცხელიას განზრახ მკვლელობის საქმე გახსნილია, ორ პირს ბრალდება წარედგინება

თიბისი კამპუსი – უფასო ონლაინ განათლება სტუდენტებისთვის

ტრამპმა განაცხადა, რომ ირანზე დარტყმების შემდეგ თეირანმა შეთანხმების მიღწევა მოითხოვა

უკრაინის შეიარაღებულმა ძალებმა აზოვის ზღვაში ტანკერები დაბომბეს