2020-06-10 12:57:28, 1972 ნახვა
საზოგადოება
ლომისობაზე შუახნის მამაკაცი, სავარაუდოდ, გულის შეტევით გარდაიცვალა
დღეს, ლომისობის დღესასწაულზე მლეთაში ეკლესიის ეზოში შუახნის კაცი გარდაიცვალა.
ამის შესახებ "ექსპრესნიუსს" ინფორმაცია საგანგებო სიტუაციების მართვის სამსახურში დაუდასტურეს.
მათივე ცნობით, მოქალაქის გარდაცვალების სავარაუდო მიზეზი გულის შეტევა იყო. მამაკაცს ადგილზე მეხანძრე-მაშველებმა პირველადი სამედიცინო დახმარება აღმოუშინეს, თუმცა მისი გადარჩენა ვერ მოხერხდა.
მლეთასა და სალოცავისკენ მიმავალ გზაზე, პრევენციის მიზნით, მაშველები არიან მობილიზებული.
ცნობისთვის, დღეს წმინდა გიორგის სახელობის სატაძრო დღესასწაული, ლომისობა აღინიშნება.
ავტორი: ექსპრესნიუსი,
epn.ge (@expressnews.ge)
