ნაზი ჯანეზაშვილი უზენაესი სასამართლოს თავმჯდომარეს საბჭოს სხდომებზე დასწრებისკენ მოუწოდებს და მოსაწვევს უგზავნის

2020-06-06 13:32:44, 3606 ნახვა

სამართალი

იუსტიციის საბჭოს არამოსამართლე წევრი, ნაზი ჯანეზაშვილი უზენაესი სასამართლოს თავმჯდომარეს ნინო ქადაგიძეს საბჭოს სხდომებზე დასწრებისკენ მოუწოდებს და შესაბამის მოსაწვევს უგზავნის.

ჯანეზაშვილის თქმით, ნინო ქადაგიძე ორი თვეა რაც საბჭოს სხდომას არ დასწრებია.

„მარტის თვეში აირჩია საქართველოს პარლამენტმა უზენაესი სასამართლოს თავმჯდომარის თანამდებობაზე ნინო ქადაგიძე, მაგრამ ამ დრომდე ქალბატონი ნინო სხდომებში მონაწილეობას არ იღებს.

თუ მოსაწვევი სჭირდება იმისთვის ,რომ სხდომაზე მოვიდეს და არ ყოფნის ის ინფორმაცია, რომელიც საბჭოს ვებ გვერდზე ქვეყნდება, ან რომელსაც აპარატი უგზავნის, მე როგორც იუსტიციის საბჭოს ერთ-ერთი წევრი ვუგზავნი ამ მოსაწვევს“, - განაცხადა ნაზი ჯანეზაშვილმა.

ცნობისთვის, საქართველოს პარლამენტმა უზენაესი სასამართლოს თავმჯდომარედ ნინო ქადაგიძე 17 მარტს აირჩია.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან