2020-06-03 10:36:50, 1046 ნახვა
საზოგადოება
აჭარის ტელევიზიის დირექტორის გადადგომის მოთხოვნით, „მე მიყვარს ბათუმის“ აქტივისტი, მეექვსე დღეა შიმშილობს
საზოგადოებრივი მაუწყებლის აჭარის ტელევიზიისა და რადიოს შენობის წინ საზოგადოებრივი მოძრაობა „მე მიყვარს ბათუმის“ აქტივისტი, ალექსანდრე მილორავა უკვე მეექვსე დღეა შიმშილობს.
მილორავა აჭარის ტელევიზიის დირექტორის, გიორგი კოხრეიძის გადაყენებას ითხოვს.
ის საუბრობს იმაზე, რომ ჯერ მის პროტესტს რეაგირება არ მოჰყოლია, ამიტომ კვლავ გააგრძელებს შიმშილს.
მოძრაობა „მე მიყვარს ბათუმის“ ულტიმატუმის ვადა 1ივნისს, 12 საათზე ამოიწურა. ულტიმატუმის ვადის ამოწურვისთანავე აქტივისტებმა აჭარის ტელევიზიის ბორდის მიმართ უნდობლობის გამოცხადების მოთხოვნით აჭარის უმაღლესი საბჭოს დეპუტატებს მიმართეს.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
