იონათამიშვილი - პრემიერ-მინისტრი COVID-19-ის წინააღმდეგ გატარეული ღონისძიებების შესახებ ანგარიშს ოთხშაბათს წარადგენს

2020-05-26 10:23:39, 1042 ნახვა

კომენტარი

„ქართული ოცნების“ თავმჯდომარის, რატი იონათამიშვილის განცხადებით, პრემიერ-მინისტრი COVID-19-ის წინააღმდეგ გატარეული ღონისძიებების შესახებ ანგარიშს ოთხშაბათს თავისივე ინიციატივით წარადგენს.

მისი თქმით, ეს ნამდვილად მაღალი პასუხისმგებლობის გამოვლინებაა.

„როგორც კი დასრულდა საგანგებო მდგომარეობა და გვაქვს დადებითი დინამიკა, პრემიერ-მინისტრმა მომართა საქართველოს პარლამენტს და თავისი ინიციატივით ოთხშაბათს წარადგენს ანგარიშს მთავრობისა, თუ რა ღონისძიებები გატარდა COVID-19-ის წინააღმდეგ. ეს არის ნამდვილად მაღალი პასუხისმგებლობის გამოვლენა და მე ვფიქრობ, საზოგადოებისთვისაც ძალიან საინტერესო იქნება“, - განაცხადა რატი იონათამიშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან