თბილისის სახელმწიფო უნივერსიტეტის მახლობლად მდებარე სკვერში ცხოველების დისკრიმინაციის წინააღმდეგ საპროტესტო აქცია გაიმართა.

აქციის მონაწილეები ცხოველების უფლებების დაცვას ითხოვდნენ.  დემონსტრანტებმა  მოგვიანებით თბილისის საკრებულოსკენ მარშით გადაინაცვლეს.

მათ ტრანსფარანტები შემდეგი წარწერებით ჰქონდათ გამოტანილი - „დაიცავი სიცოცხლე“, „ნუ გახდები მკვლელი“. აქციაზე სხვადასხვა ქვეყნის - უკრაინის, ბრიტანეთის, ირანის მოქალაქეებიც იმყოფებიან.

როგორც „ექსპრესნიუსთან“ საუბრისას არასამთავრო ორგანიზაცია Vegan Georgia-ს თავმჯდომარემ ვახტანგ უშვერიძემ აღნიშნა, აქცია სპეცისიზმის წინააღმდეგაა მიმართული.

„ვმართავთ აქციას სპეცისიზმის წინააღმდეგ. ჩვენ ცხოველების უფლებების დაცვისთვის ვიბრძვით. მათ ისეთივე უფლებები აქვთ როგორც ჩვენ. მიგვაჩნია, რომ ისინი ისეთი დედამიწელები არიან, როგორც თითოეული ჩვენგანი. დღეს სულ უფრო მეტი ადამიანი გამოდის ცხოველების მიმართ უსამართლო დამოკიდებულების წინააღმდეგ. ამიტომ მოქალაქეებს მოვუწოდებთ, შემოგვიერთდნენ“, - განაცხადა ვახტანგ უშვერიძემ.

სახელმწიფო უნივერსიტეტთან მდებარე სკვერში  საპატრულო პოლიცია იყო მობილიზებული. 

ცნობისთვის, 22 აგვისტო სპეცისიზმთან ბრძოლის საერთაშორისო დღეა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება