2020-05-23 09:53:39, 1774 ნახვა

---

8 ივნისიდან, დიდ ბრიტანეთში ჩასული ადამიანები, 14 დღის განმავლობაში სავალდებულო კარანტინს გაივლიან

8 ივნისიდან, დიდ ბრიტანეთში ჩასული ადამიანები, 14 დღის განმავლობაში სავალდებულო კარანტინს გაივლიან, რათა კორონავირუსის გავრცელებას ხელი არ შეუწყონ, - ამის შესახებ ინფორმაციას BBC ავრცელებს.

მათივე ცნობით, მოგზაურებმა უნდა აცნობონ მთავრობას, თუ სად შეასრულებენ თვითიზოლაციის წესებს.

თუ პირს არ აქვს ისეთი ადგილი, სადაც თვითიზოლაციის წესებს აღასრულებს, მას საცხოვრებლით მთავრობა უზრუნველყოფს, - ამის შესახებ სასაზღვრო ძალების ხელმძღვანელმა, პოლ ლინკოლნმა განაცხადა.

მთავრობის გადაწყვეტილების თანახმად, ახალი პოლიტიკა მოქმედებს გაერთიანებული სამეფოს მასშტაბით, თუმცა ის, თუ როგორ იმოქმედებს იგი შოტლანდიაში, უელსსა და ჩრდილოეთ ირლანდიაში, ჯერ კიდევ განისაზღვრება.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი