სამადაშვილი - ევროპა არ აპირებს დააკვირდეს იმას, თუ როგორ ეცდება ივანიშვილი ქვეყანაში დემოკრატიული პროცესის გაუქმებას

2020-05-19 17:17:10, 1244 ნახვა

პოლიტიკა

„ევროპა არ აპირებს დააკვირდეს იმას, როგორ ეცდება ივანიშვილი ქვეყანაში დემოკრატიული პროცესის გაუქმებასა და ჩაშლას“, - ამის შესახებ „ნაციონალური მოძრაობის“ წევრმა სალომე სამადაშვილმა განაცხადა.

მისი თქმით, ევროპარლამენტის დღევანდელი სხდომა გარკვეულწილად გაფრთხილება იყო ბიძინა ივანიშვილისთვის.

„ეს სხდომა იყო გარკვეულწილად გაფრთხილება ბიძინა ივანიშვილისთვის, რომ ევროპა არ აპირებს დააკვირდეს იმას, როგორ ეცდება ივანიშვილი ქვეყანაში დემოკრატიული პროცესის გაუქმებასა და ჩაშლას. სწორედ ამიტომ მოგვიწოდებს 8 მარტის შეთანხმების შესრულება. ასევე მოგვიწოდეს იმ ნაბიჯების გადადგმა, რომლებიც უზრუნველყოფს ქვეყანაში თავისუფალ და დემოკრატიულ არჩევნებს. იმიტომ, რომ უკვე ძალიან დიდი არის შეშფოთება იმასთან დაკავშირებით, თუ რა გეგმები აქვს ბიძინა ივანიშვილს შემდეგ არჩევნებთან დაკავშირებით“, - განაცხადა სალომე სამადაშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან