2020-05-13 10:49:18, 1926 ნახვა

---

ეზუგბაია - ქვეყანაში გამოჯანმრთელებულები ასზე მეტია, ვიდრე სტაციონარში მკურნალობის ქვეშ მყოფი პაციენტები

თბილისის ინფექციური საავადმყოფოს სამედიცინო დირექტორს მარინა ეზუგბაიას განცხადებით, ქვეყანაში გამოჯანმრთელებულები ასზე მეტია ვიდრე ამ ეტაპზე სტაციონარში მკურნალობის ქვეშ მყოფი პაციენტები.

მისი თქმით, ქვეყანაში ამ ეტაპზე გამოჯანმრთელებული 372 პაციენტია, ხოლო კოვიდ ცენტრებში 264 პაციენტი მკურნალობს.

„გუშინდელი მონაცემებით გვყავდა 639 დადასტურებული შემთხვევა და რვა ახალი დადასტურებული შემთხვევა დაგვემატა და არის 647 დადასტურებული პაციენტი. გამოჯანმრთელებული იყო 349 და დაგვემატა 23 და არის 372. ამ მონაცემებისა და გარდაცვალებულთა გამოკლებით, ჩვენ ამ ეტაპზე 264 პაციენტი გვყავს, რომლებიც მკურნალობენ დადასტურებული კოვიდ ცენტრებში. გამოჯანმრთელებულები ასზე მეტია ვიდრე ამ ეტაპზე სტაციონარში მკურნალობის ქვეშ მყოფი პაციენტები“, - განაცხადა მარინა ეზუგბაიამ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი