თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, ქვეყანაში 24 საათში 15 ახალი ინფიცირებული დაემატა.

მისი თქმით, მათი ინფიცირების წყარო უკავშირდება ცნობილ კლასტერებს, ხოლო ამ ეტაპზე მხოლოდ ორი ინფიცირებულის წყაროა უცნობი.

 „დღეისთვის დაგვემატა 15 ახალი დადასტურებული შემთხვევა და 511 დადასტურებული შემთხვევა გვყავს ქვეყანაში. ამ 15 დადასტურებული შემთხვევიდან ძირითადი არის ცნობილი წყაროები, ესაა ბოლნისი, თეთრიწყარო, მარნეული და მხოლოდ ორი პაციენტი არის ისეთი, რომელთა წყარო ჯერჯერობით დაუდგენელია და ღრმა ეპიდემიოლოგიური კვლევა მიმდინარეობს.

გამოჯანმრთელებულთა რაოდენობა 156-ს შეადგენს, ანუ ამჟამად კოვიდზე მკურნალობს 349 პაციენტი დღეს დილის მდგომარეობით.

ამ 15-დან ჩვენთან არც ერთი არ შემოუყვანიათ“, - განაცხადა მარინა ეზუგბაიამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

საქართველოში ბავშვების საყოველთაო ნათლობა გაიმართა

სამველ კარაპეტიანი: უკან აღარ დავბრუნდები, სომხეთში 10 წელი ვიმუშავებ

ფაშინიანი ხმის მიცემის შემდეგ - მიყვარს საქართველო და მიყვარს ქართველები

ფაშინიანი პუტინის განცხადებაზე: რეფერენდუმი მაშინ ჩატარდება, როდესაც რეფერენდუმის თემა იქნება