ჰერეთი ეკონომიკისა და მდგრადი განვითარების მინისტრს ნათია თურნავას ღია წერილით მიმართავს და არსებული გადასახადების გადახედვისკენ მოუწოდებს.

“მსოფლიოში ბოლო დროს განვითარებულმა მოვლენებმა, ე.წ. „კორონა კრიზისმა“, მკვეთრი გავლენა იქონია რადიოს სარეკლამო ბაზარზეც, მათ შორის, საქართველოში. უამრავმა კომპანიამ შეაჩერა მუშაობა და ცხადია, რადიოში რეკლამის განთავსებაც.

მოგეხსენებათ, დედაქალაქში FM რადიოს ძირითადი მსმენელი ავტომობილით გადაადგილდება, რადგან კარანტინის რეჟიმმა გადაადგილებაც გაართულა. ეს კი, ბუნებრივია, აისახა ისედაც მწირ რადიო სარეკლამო ბაზარზე და დამოუკიდებელ რადიოსადგურებზე. ვგულისხმობ ჰერეთს და მის რადიოსადგურებს, ასევე იმ კომპანიებს, რომლებიც ერთგულნი არიან მიუკერძოებელი საინფორმაციო პოლიტიკის და არსებობის მანძილზე, არც ერთი თეთრი არ მიუღიათ არც სახელმწიფო სტრუქტურებისაგან და არც ოპოზიციისგან.

მძიმეა ბევრი რეგიონული მედიის/მაუწყებლის ყოფაც, რაც ქმნის მათი მუშაობის პარალიზების და გაკოტრების წინაპირობას.

არსებული კრიზისი, რომელშიც ყველა ერთად აღმოვჩნდით, ერთი-ორად ამძიმებს იმ პირობების  შესრულებას, რომელიც სავალდებულო  გადასახადებს და თუნდაც, საიჯარო ხელშეკრულებებს ეხება.

ჩვენი თხოვნაა, გადახედოთ შპს „საქართველოს ტელე-რადიო ცენტრის“ (რადგან ამ ორგანიზაციის 100 % წილის მფლობელი სახელმწიფოა) სატარიფო პოლიტიკას და მინიმუმ, გაანახევროთ არსებული ყოველთვიური საიჯარო გადასახადები. სხვა შემთხვევაში, ეს სექტორი ჩამოიშლება.” – ნათქვამია კომპანიის განცხადებაში.

ავტორი: ექსპრესნიუსი,

სოციალური ქსელები

პატრიარქობის კანდიდატის, ფოთისა და ხობის მიტროპოლიტ გრიგოლის პროგრამული ხედვა

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება