საუნივერსიტეტო კლინიკაში კორონავირუსით ინფიცირებული ორსული ქალი გამოჯანმრთელდა და მალე გაეწერება

2020-04-11 12:26:32, 1303 ნახვა

კომენტარი

პირველი საუნივერსიტეტო კლინიკის დირექტორის, ლევან რატიანის განცხადებით, ორსული პაციენტის ტესტირების პასუხი გაგზავნილია და მეორეჯერ უარყოფითი პასუხის მოსვლის შემთხვევაში პაციენტი გაეწერება.

მან ასევე აღნიშნა, რომ მეორე ორსული ქალბატონის მდგომარეობაც სტაბილურია.

„57 კოვიდ ინფიცირებული პაციენტი გვყავს, რეანიმაციაში 8 პაციენტი იმყოფება. სამი ფილტვის ხელოვნულ ვენტილაციაზე იმყოფება, დანარჩენი ხუთი სპონტანურ სინთქვაზე. სამი პაციენტიდან ერთ-ერთის მდგომარეობა კრიტიკულია, ფაქტობრივად ტერმინალურია. დანარჩენ 2 პაციენტთან მეტ-ნაკლებად შენარჩუნებულია ვიტალური პარამეტრები. რაც შეეხება კრიტიკულ პაციენტს, მინდა გითხრათ, რომ კლინიკურად სახეზეა მწვავე ფილტვის დაზიანების სინდრომი, გულის, თირკმლისა და ღვიძლის დაზიანების სინდრომი, რაც მიუთითებს რომ არის მულტიორგანული უკმარისობა, ტარდება რეანიმაციული ღონისძიებები და ვნახოთ რა შედეგს მივიღებთ.

რაც შეეხება ორსულ ქალბატონებს, ორივე ქალაბატონის და ნაყოფის მდგომარეობა სტაბილურია, გაგზავნილია ტესტის ანალიზები და თუ უარყოფითი პასუხი მოვიდა დღეს გაეწერაბა კლინიკიდან,“- განაცხადა ლევან რატიანმა.

Patreon P მხარი დაუჭირე "ექსპრესნიუსს" →

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან