2020-04-08 14:57:03, 1139 ნახვა

---

ზალკალიანი - ხშირად გვსაყვედურობენ, რომ არ არის ბილეთი, გუშინ კი 10 მოქალაქე, რეისზე არ გამოცხადდა, რის გამოც მათი ჩანაცვლება მოგვიწია

ხშირად გვსაყვედურობენ, რომ არ არის ბილეთი, გუშინ კი 10 მოქალაქე, რეისზე არ გამოცხადდა, რის გამოც მათი ჩანაცვლება მოგვიწია, - ამის შესახებ საქართველოს საგარეო საქმეთა მინისტრმა, დავით ზალკალიანმა მთავრობის ადმინისტრაციაში გამართულ ბრიფინგზე განაცხადა.

მინისტრმა საქართველოს მოქალაქეებს მოუწოდა საელჩოებთან და საკონსულოებთან მუდმივად ონლაინ კავშირზე იყვნენ.

„სპეცრეისების მიმართულებით უკვე გაცხადებული გრაფიკი არსებობს. ჩვენ გუშინ გვქონდა ათენიდან რეისი, 130-მდე საქართველოს მოქალაქე დაბრუნდა. ხშირად გვსაყვედურობენ, რომ არ არის ბილეთი, გუშინ 10 მოქალაქე, რომელსაც შეძენილი ჰქონდა ბილეთი, არ გამოცხადდა ამ რეისზე და ამის გამო, ჩვენ მოგვიწია ძალიან სწრაფ რეჟიმში ის მოქალაქეები, რომლებიც იდგნენ რიგში მათი ჩანაცვლება. მიუხედავად ამისა, მაინც 3 ადგილი ცარიელი დარჩა. მინდა ჩვენს მოქალაქეებს მოვუწოდო, რომ იყონ მუდმივად ონლაინ კავშირზე ჩვენს საელჩოებსა და საკონსულოებთან“, - განაცხადა დავით ზალკალიანმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი